寫．得盡

呵呵! 雖然只係得嗰三樣好笑嘅嘢, 但係我都會話俾大家知嫁

1. 中文堂

中文堂時, 老師問我地五用成語其中一頁嘅成語, 到我地組, 組員派咗我出去寫, 老師要我寫: 「鬼斧神工」, 我寫咗前面嗰三隻字, 我好疑惑咁, 唔知到個工字係呢個「功」? 還是嗰個「工」呢? 於是我好疑惑咁樣, 寫咗個「功」字。突然有人大叫: 呀! 一聲, 我認得係其中一個組員嘅聲音, 於是我擦咗嗰個「功」, 寫返呢個「工」, 咁就「大功告成」喇! 老師對嗰陣, tick 咗我地組個字, 好彩! 個組員聰明~~

2, 3. 常識堂

宜家常識教梗吸煙, 咁有同學就叫出嚟: 「啲人食完煙之後會噴香水!」, 老師即刻話: 「咩話??! 食完煙之後個口會噴香水???!!!!!」, 所有同學即刻大笑一頓。

過咗冇耐, 又有同學講: 「啲人攞住隻煙......」, 佢都未講完, 老師即刻講: 「隻「A」? 撲克牌嚟嫁喎!!」我地又大笑起嚟。

常識堂最容易引我地發笑, 因為常識老師講乜都係咁好笑嫁!!!!