寫．得盡

估唔到，斷斷續續咁砌，加埋都只係用咗大約五至六鐘就砌完座建築物啦！

呢座建築物係以白色 為主，因為佢係一間……

~醫院~

↑ 呢兩道門就係上一篇文章都有提及過嘅趟門，係扮自動門嘅，當然係要人手推佢先會郁啦……

↑ 一入門，就會見到有一部電視機，係俾一啲嚟探人嘅人等緊嗰陣可以喺度坐吓，唔駛企晒喺度又冇嘢做嘛~

↑ 電視機上邊有個喇叭。

↑ 電視機嘅左面，就係洗手間啦。2 個廁格……仲要好逼嗰隻……藍色嗰個係洗手盆嚟架！

↑ 電視機嘅右面，係一個接待處 (加付款處)，雖然啲設備好似簡陋咗啲……

一樓

 
↑ 經過接待處，就係照 X 光嘅房間。

↑ 然後就係有八張床嘅病房。

今次間醫院同上次嗰間嘅 (設施) 分別除咗多咗間 X 光房之後，就係有埋露臺同埋醫院嘅辦公室啦。

二樓 (頂樓)

首先要講吓點樣上去二樓~

…就係要靠呢條駁喺電視機上面嘅樓梯上去！！！…你話係咪好危險呢… 但都係迫於無奈，因為醫院嘅面積太細啦！我唔可以同佢僭建呀！

上到去二樓﹕

↑ 呢個就係露臺啦，不過好細…

↑ 辦公室。
有工作桌、職員床位x1 ← 方便換更、水機同埋 Locker。

我最鐘意喺都係個水機，點解？因為係我自己親手整出嚟囉！ (仲要喺有限嘅零件之中…)

↑ 水機和 Locker。

最後喺睇吓醫院嘅成個背面 look 係點樣~﹕

差啲唔記得咗側面都有嘢添，呢樣都係上次醫院冇嘅嘢，佢就係醫院唔少得嘅﹕

↑ 驟眼睇﹕一個窿？！唔係！佢就係殮房。
起初有諗過當佢係個焚化爐  ，當然係冇可能嘅事啦，呵呵呵！

呢間醫院就起好啦。不過，我而家又開始起另一樣嘢，呀，唔止一樣。係咩嚟？我唔講得住啊~~ 費事到時起起吓又轉咗 idea 啦  。今次就應該唔可以好似醫院呢次咁快 lu，因為…我要搞掂我啲功課呀！！！！！ (仲有 3 日又…唉~~~~)