close
呢日媽媽記起雪櫃入面嘅冰鮮紅蟲，佢問我仲要唔要，我話唔要了，因為上次我試過俾啲石仔食，牠唔食！或者係因為嗰啲紅蟲已經唔新鮮啩。媽媽話可以將啲紅蟲餵俾附近嗰條「河」裡嘅魚，呢個係一個唔錯嘅提議。我就帶埋相機去影相~
不過成個旅途裡我都只係影低咗風景照……
行去條「河」嘅途中，有人喺度放狗呀！！仲見到有我最鐘意嘅金毛尋回犬呢！
Walking~
Zoom 到好近先影到呢隻雀仔！
太陽要落山，天黑啦。
我胡亂調較咗部相機，影出嚟暗咗。
不過好似仲靚喎！
清晒啲冰鮮紅蟲之後，就返去了~ 啲狗仔仲喺度呢。呢隻狗仔坐定定喺度俾我影 
睇嚟下次真係要買啲活生生嘅紅蟲了…… 
今次，真係浪費咗好多 $$……
不過……好似話要朝早 (仲要好早嗰隻) 去買先有活生生嘅紅蟲喎。上次晏晝去買就係因為冇得買，所以先買咗呢啲冰鮮咋！！
全站熱搜
留言列表
寫．家 (7)