寫．得盡

(攝於 2012.01.15)
「你哋估吓我喺邊度？

「呢度有我最熟悉嘅木，…

「有我認識咗冇耐嘅暖管同溫度計，…

「有一個頂着我嘅浮台，…

「仲有一個『瀑布』！…

「呀！仲有仲有，呢隻…同我差唔多似樣嘅…究竟佢係咩嚟架？！」 

「嗰日主人放學返到嚟，係中午十二點幾，嗰日啱啱係考完試最後一日呢！然後見住佢急匆匆又出咗門口啦……

「就到黃昏，主人終於返嚟啦！佢仲話要我搬去住靚屋喎！我都唔知發生緊咩事，好快我就去咗一個咁嘅地方﹕

↑ 見唔見到我喺邊呀？(答案: 右上方!) (攝於 2012.01.14)

「個地方好陌生，根本就係未嚟過，唔通呢個就係『靚屋』？我一入『屋』，已經不自覺地沉入水底，見到主人喺度目不轉睛加微笑地望住我，我呆咗一陣，終於都忍唔住要周圍探索一下，喺度爬呀爬，聞呀聞。後來冇氣啦，就嘗試要去水面呼吸，但係水位咁高，我點可以上到去呀？我騎住最 friend 嘅木、想將個頭伸出水，點知都係唔夠高。突然，唔知喺邊度嚟嘅一種力，我四肢都撥呀撥，終於都可以呼吸新鮮空氣啦…… 

↑ 「主人話我個姿勢好狼狽喎，乜係咩？……就算係都唔好笑我啦！我呢個高難度動作，做嗰時好辛苦架！！！警告各位呀，呢個動作唔好隨便模仿呀，要有專人在旁指導先可以做架。」 

「呼吸咗一陣，又沉返入去水底，然後游咗一陣，又捉住浮台邊呼吸。我當時唔知道個浮台係咩嚟，怕陌生、唔敢上去……主人睇咗我一陣就走開咗啦。我望住出面嘅風景，真係非常之吸引！

「夜晚聽到主人一家喺度討論水位問題，又聽到主人爸爸話咩……濾水器條管唔夠長，但水位要比佢高，就一定要另找物件駁長佢。我都想水位低啲呀，咁深水真係一啲安全感都冇！」 

「喺嗰晚瞓之前，主人仲故意移動浮台位置、移至『屋』嘅側邊（本身係喺正面。），並將我放上浮台嘅斜位，『牆壁』啱啱好頂着咗我，我唔會唔小心跣落水中。我聽到佢話驚我夜晚冇氣抖，瞓唔到覺。不過我依然未完全適應呢個地方，於是回到水中。」

「第二朝，主人媽媽就搵嚟一條冇用嘅膠喉，將濾水器管道駁長，然後將水位降低，主人再加多將保鮮紙蓋住濾水器流水落嚟嘅通道，咁就可以唔駛彈晒啲水出嚟、又唔嘈啦。」 

↑ 「同時，我發現『屋』內有樣嘢不時整蠱我﹕從濾水器沖落嚟嘅泡泡。有時我朦查查，以為啲泡泡係嘢食，就係咁咬佢哋，……竟然俾主人影低咗我個傻樣！…… 

↑ 石仔不是由浮台的斜道爬上去，而是在側邊用力爬上！這是很少出現的情況，因為從側邊爬上是很難的。(攝於 2012.01.14)  

「我好快鐘意咗住呢間『靚屋』。呢一日，係我第一次爬上去浮台，伸長條頸，享受咗一陣！不過，見到主人拎住部相機行近，就立刻嚟咗個自然反應﹕保護自己、跳返入水！我真係細膽……主人真係唔好意思啦，做唔到你嘅 model 添…（以前我成日搶鏡架嘛！）」  

2012.01.15 

↑ 同龜仔 friend 咗！ 

↑ 周圍游。 

↑ 經常走上浮台！(不失我所望~ :D)  

↑ 靠在浮台之旁。 

2012.01.20 

2012.01.26

跳水 One Two Three！ 

2012.01.27

2012.01.29

這天，石仔在浮台逗留了 15 分鐘！這應該是最長的紀錄！可是，那天我沒有替牠拍照，因為我怕牠一見到相機就要逃開了…… 

♦ 一星期換水一次
♦ 兩星期洗缸一次