close
今日媽媽去咗一間未幫襯過嘅商店買咗幾個酥皮蛋撻返嚟。
我放學返到屋企，就攞咗一個蛋撻當下午茶食~
睇個樣以為好好味啦，點知…
…個蛋撻一啲都唔「酥」！同普通嘅牛油蛋撻冇分別 (仲有少少濕添) ！而且，個底仲要係燶架添！
爸爸同媽媽都話係放咗喺度放得耐嘅緣故先至變得有啲濕 
，但我覺得應該唔關事吖，因為平時如果早餐係蛋撻的話，媽媽就會喺前一日買啲蛋撻返嚟，而第二朝嗰時，個蛋撻係唔會變濕嘅。所以我覺得唔關事囉。
加上我除咗見到我食咗嗰個蛋撻係燶咗之後，亦望過吓另一個蛋撻嘅底都係燶的！
睇嚟整撻師傅要改進一下…
剩返嗰 3 個蛋撻呢，…我諗我係食唔落架啦 
…
全站熱搜
留言列表
寫．家 (7)