寫．得盡

為咗有啲親切感，等我喺呢篇又打吓口語先～～

今日 07:45，我已經起咗身。

渣咋同石仔一定比我早醒，佢哋兩個都鐘意喺朝早有陽光嘅時候就爬到木上邊，今日都唔例外。

（渣咋壓着石仔。）
兩隻龜擺嘅甫士都好一致﹕一齊伸長條頸！一定好享受喇……

（渣咋會望鏡頭呀！！）
主人﹕「石仔，你合作啲啦！嗰邊有咩望呀？」

呢幅好好多！

石仔﹕「主人，……阿渣咋好重呀……我抖唔到氣喇。」

係咪好有親切感呢？

不過我仲未打完噃！因為仲有相﹕

呢個係—“懶惰的渣咋”﹕

呢幾日石仔都比渣咋好動，可能係天氣熱嘅關係啩？睇吓佢丫，隻眼就快咪埋喇，『夏日炎炎正好眠』呢句嘢睇嚟對於龜界嚟講係啱個噃……至少對渣咋嚟講係啦。

渣咋﹕「你之前話石仔懶，後來咪又係冇事！如果你想我活躍返，你帶我去探吓我心愛嘅老闆娘啦！」
主人﹕「嘩！！威脅呀！～～～」

另一個係—石仔演釋嘅“擔天望地”﹕

石仔﹕「個天會唔會跌落嚟呢？」

石仔﹕「會唔會……咦？有另一隻龜喺啲水裡面嘅？！」
主人﹕「倒影嚟架……」

好！打完，今日到此為止。

渣咋與石仔﹕「主人！你演繹錯晒喇！」