寫．得盡

↑ 渣咋﹕「喺咁熱嘅天氣下浸水，乃龜生一大享受也～～～～」

自從石仔肯吃東西後，牠和渣咋的身份就調轉了﹕以前是渣咋跟着石仔走的，現在可是石仔跟着渣咋，或者是要點安全感吧。（唔知點解喺屋企地下又唔會跟住行……）

石仔不願吃的那段時間，渣咋的體型都長得比牠大了點！可能是我每天都看着牠們，所以沒怎樣察覺到吧？ 

↑ 渣咋﹕「要快高長大，當然唔少得做運動啦。」
路人甲﹕「咁你做咗啲咩運動可以大得咁快？」
渣咋﹕「我做過……（下刪數百字。）」

前幾天晚上餵的蝦乾，暫時都只是渣咋會吃。石仔還是要適應一下呢。但昨天晚上渣咋在咀嚼的時候，石仔靠近了渣咋，模仿着吃蝦乾時要用前腳弄掉咬不到的蝦乾，又在「咬空氣」，石仔你很可愛啊！真是未見過會「扮吃」的龜……

↑ 石仔﹕「主人你都話我可愛啦！之前又話我懶……哼！」（我影嗰陣都冇留意到石仔後面﹕渣咋嘅美腿！）

今天晚上，石仔終於吃蝦乾了！牠真的把吸收了的知識運用出來呢！

↑ 石仔﹕「原來咁好味個噃！主人快啲俾多幾隻嚟！」

另外石仔很喜歡爬上那塊木，然後伸長脖子望着我，牠可能覺得自己站得很高！

↑ 以上三幅﹕攬頭攬頸。
左﹕石仔未瞓；中﹕石仔依然未瞓；右﹕石仔終於瞓咗。

↑「唔 好 開 閃 光 燈 啦！『殘』 醒 咗 喇！」

↑ （左﹕渣咋；右﹕石仔。）搭膊頭。
渣咋﹕「WE ARE THE BEST PAIR IN THE WORLD！」
石仔﹕「你話係啫，我唔覺得噃……」
渣咋﹕「有時係架！例如……」

↑ 「主人呀，唔好打 blog 住啦，俾我哋落地玩丫！」